Fuero de Cáseda 1129

“In nomine Sancte et individue Trinitatis, Patris et Filii et Spiritus Sancti. Ego Aldefonsus Dei Gracia Aragonensium et Pampilonensium rex, dono et concedo vobis vicinos de Caseda tales foros quales habent illos populatores de Daroca et de Soria et adhuc meliores et facio vos ingenuos et totam vestram posteritatem de illa novena, quam solebatis mihi pariare, ut amplius non peitetis nec vos nec filii vestri per secula cuncta. Qui venerit ad Caseda populare, non det novena, et sedeat ingenuo ibi et sua hereditate franca ubicumque habuerit eam. Si perdiderit aliquis homo de suo habere vel sua hereditate vel ulla causa de suo peitet ad illum duplex et mille solidos ad regem. Et si debuerit habere vel fuerit fidiator de ulla causa et venerit ad Caseda, sedeat solutus et non peitet aliquid. Si fuerit homicida et fecerit injuriam, veniat ad Caseda et sedeat solutus et non peitet aliquid. Qualecumque malum fecerit non respondeat pro illo ad ullo homine et si requisierit illum, peitet mille solidos ad regem et duplet illos pignos ad vicinos. Si homo de Caseda habuerit rancura de homine de alia villa et quaesierit fidiator in suo concilio de directo et non voluerit ei directum facere, pignoret et levet illa pignora ad Caseda, et prendat de illa triginta solidos in assatura et mitat suo senniore in Caseda